गणेश चतुर्थी ................

ढोल ताश्यांसाहित बाप्पाचे आगमन आज संध्याकाळ पासून ह्यायला सुरुवात झाली आहे. घरातील गणपती यायला देखील सुरुवात झाली आहे. झांज वाजवीत, "गणपती बाप्पा मोरया,मंगलमुर्ती मोरया" चा गजर करत बाप्पाचे आगमन होत आहे. खूप प्रसन्न वातावरण आहे. काही गणपतींचे आगमन कारमधून, काहींचे रिक्षामधून  काहींचे टेम्पोमधून तर काहींचे हातात धरून मिरवणूक काढत ........ पण सर्वांचा भक्तीभाव एकच.

(Image Source : my Photography Blog)

मी पाहिलेली दहीहंडी तेंव्हा आणि आता ...............

लहानपणी मला दहीहंडी बघायची फार उत्सुकता असायची. आमच्या गल्लीमध्ये आमच्या बिल्डींगच्या जवळच दहीहंडी असायची. आम्ही मैत्रिणी बिल्डींगच्या गेट च्या आतून ती बघायचो.किती तरी वेळ उभं राहायचो दहीहंडी बघण्यासाठी, गाणी मोठ्याने लावलेली असायची तिथे आणि वाद्ये  पण वाजायची. आता पण हे सगळं होतं, पण ती मजा आणि ती उत्सुकताच निघून गेली आहे. नक्की कळत नाही कि सणांचे स्वरूप बदलते आहे कि आपल्यात बदल होतोय ......... आणि या मागे तशी ठोस कारणेही आहेत. 

(Image Source : my blog and link to images http://hobbyofphotography.blogspot.in/2013/08/dahihandi.html )

माहिती आषाढी एकादशीची .......

आषाढी एकादशीच्या दिवशी म्हणजे आषाढ शुक्ल एकादशी. सर्व एकादशांमध्ये या एकादशीचे एक विशेष महत्त्व आहे. हा दिवस महाराष्ट्रात अत्यंत महत्त्वाचा मानण्यात येतो. महाराष्ट्रात ठिकठिकाणाहून लाखो भाविक आणि वारकरी विठ्ठल नामाचा गजर करीत या दिवशी पंढरपूर विठ्ठल मंदिरात एकत्र येतात . पंढरपूरच्या वारीचा प्रत्येकाने एकदातरी आवर्जून अनुभव घ्यावा असा मला वाटतं. एक वेगळचं तेज आणि आनंद असतो त्या वातावरणात.

अक्षय तृतीया ....

आज अक्षय तृतीया ...... सहसा माझा तिथींवर लक्ष्य जात नाही परंतु या तिथीवर लक्ष्य वेढला जाण्याचं कारण वेगळ आहे....ते म्हणजे पेपरात येणाऱ्या जाहिराती.......अगदी पेपर भरून जाहिराती.मग ते मराठी वृत्तपत्र असो किंवा इंग्रजी वृत्तपत्र अगदी मुखपृष्ठा पासून शेवटच्या पानापर्यंत एकतर दागिन्यांच्या किंवा जागांच्या जाहिराती किंवा घरगुती उपकरणांच्या...हल्ली कोणताही सण असो किंवा काहीही असो व्रुतपत्रात ६-७ दिवस आधीपासूनच जाहिराती यायला सुरु होतं.